gränzelos Träume
WER MIÄR SIND
ÜSI GRÜNDERINNÄ
2013 hanich mis Unternähme gründet und scho damals sind miär Gstaltig, Farbä und Formä am Härzä glägä. Als Fotografin spielt Liächt, Ruum und Gstaltig es grosses Thema. Dur mini Erfahrig idä Unternähmensfüährig, Organisation und rund ums Thema Gstaltig hanich miär diä Fähigkeite ageignät und freu ich mich einzigartigi und einmaligi Konzept und Moodboards z'entwicklä.
Ich liäbs gross Dänkä und Träuim id Realität umsetzä. Farbä und Formä und Materlialie kombiniärä. Ästethik und bedürfnisorientierti Lösigä z'gfindä sind für mich vo grosser Bedütig. Mit tolle Unternähme und Handwärcher zämäschaffe und kommuniziere macht miär grossi Freuid. Ich freue mich zämä Projekt und Konzept z erarbeite und Visionä physisch umsetzä.
nina@keydreamhouse.com - 079 454 83 47
NINA KÄLIN
GESCHÄFTSFÜHRERIN, UNTERNEHMERIN, FOTOGRAFIN
Vor 10 Jahr han ich imene grosse Unternähme dörfe mini erschte Erfahrige als Zeichnerin Fachrichtig Architektur sammlä. Vom erschte Kontakt mit de Buherrschaft - es Vorprojekt für sie z gstalte - Buuigab - Usfüehrigsplän - Kontakt mit Unternähmer vor sowie au während de Buuziit. Schnell han ich gmerkt, dass i derä Buubranche eher en Abwickligsprozess stattfindet und weniger uf es individuells Projekt ahnegschaffed wird.
Mit Keydreamhouse chan ich diä Wärt genau läbä - mit dä Buherrschaft uf Augehöchi ihres eigene Traumhuus z planä, gross Dänke izplane, mit lokale Unternähmer uszfüehrä - bi all dem, staht s grosse MITENAND im Vordergrund.
tanja@keydreamhouse.com - 076 712 33 40
TANJA PFRUNDER
ZEICHNERIN ARCHITEKTUR
NICOLE RÖTHLISBERGER
IMMOBILIENBEWIRTSCHAFTERIN
MIT EIDG. FA
Sit über 10 Jahr bin ich i de Immobiliebranche. Agfange han ich in Pfäffikon SZ als Assistentin im Verkauf. Schnell isch mir bewusst worde, dass mir das unheimlich fescht Freud bereitet, für Mensche ihres Traum-Dihei zgfinde.
Nachdem ich einigi Jahre i de Bewirtschaftig na Erfahrige gsammlet han, han ich mich entschiede de Eidgenössisch Fachuswis i de Immobiliebewirtschaftig zabsolviere. Bsunders Interessant während dere Usbildig isch s Bauwese gsi, drum bin ich aktuell sit 3 Jahr i de Bewirtschaftig mit Beigleitig vo Neubauprojekt.
Materialie festlegge und usläse und s Optimale mit de Resscource vome Bauherr usehole, isch e Herusforderig wo eifach Spass macht. Zgse wie e Immobilie entstaht mit allne Vorstudie, bis zur Schlüsselübergabe isch genial. Wünsch chöne z erfülle und lüchtendi Auge nach volländig vomene Neubau, Renovation oder eifach enere eifache neue Inne irichtig isch e Herusforderig wo ich mit dem tolle Team möcht erreiche.
nicole@keydreamhouse.com - 078 320 31 34
SAMUEL BÜRGLER
ZEICHNER ARCHITEKTUR
Ich schaffe sit über 10 Jahr als Planer idä Buubranche.
Mier gfallt vorallem z Entwärfä vo Grundrisskonzept aber au z Uschaffe vo 3D Usführigsmodell.
2023 han ich mier mit mim Eigeheim en grosse Traum chönne erfülle. Währende de Arbät ah mim Mehrfamiliehuus han ich festgstellt, dass mir nebst de Arbet als Planer, d'Umsetzig als Buuleiter au grosse Spass macht. Bsunders gschätzt han ich die regionale und Top usbildete Handwerker wo mit ihrem Mitdenke und Fachwüsse es Buuwärch erst ermöglichid.
Wohne isch miner Meinig na öpis sehr individuells, drum find ichs extrem wichtigt, dasmer sich zämä mit de Buherrschaft bim entwerfe Ziit nimt en tolli Lösig uszschaffe.
Wo d Nina, Tanja und Nicole mir z Konzept vo Keydreamhouse vorgstellt hend bi ich vom erste Moment vo de Wert überzügt gsi und ha sofort ihri Vision teilt.
LISBETH MOSER
BUCHHALTUNG & BACKOFFICE
ÜSI VISION
Ä Zuäkunft vom mitänand gstaltä
Mitere Region wo viel kompetänti Handwärcher und Unternähme bütet. Hend miär diä optimal Lag zämä Projekt umzsetzä.
